“வாரிசு” திரைப்படத்தில் இணைந்த வில்லன் நடிகர்.. மாஸ் அப்டேட்

விஜய் நடிப்பில் உருவாகி வரும் “வாரிசு” திரைப்படத்தில் ஒரு முக்கிய வில்லன் நடிகர் இணைய உள்ளதாக தகவல்கள் தெரிவிக்கின்றன.

விஜய் நடித்து வரும் “வாரிசு” திரைப்படத்தின் படப்பிடிப்பு ஹைதராபாத்தில் மும்முரமாக நடைபெற்று வருகிறது. இதில் விஜய்க்கு ஜோடியாக ராஷ்மிகா மந்தனா நடித்து வருகிறார். மேலும் இவர்களுடன் பிரபு, பிரகாஷ் ராஜ், ஷ்யாம், சரத்குமார், குஷ்பு, யோகி பாபு ஆகியோர் நடித்து வருகின்றனர்.

“வாரிசு” திரைப்படத்தை வம்சி பைடிப்பள்ளி இயக்கி வருகிறார். தமன் இத்திரைப்படத்திற்கு இசையமைத்து வருகிறார். இந்நிலையில் இத்திரைப்படத்தில் இணையவுள்ள முக்கிய நடிகர் குறித்தான ஒரு தகவல் வெளிவந்துள்ளது.

அதாவது “வாரிசு” திரைப்படத்தில் எஸ் ஜே சூர்யா இணைய உள்ளாராம். எஸ் ஜே சூர்யா இதற்கு முன் விஜய் நடித்த “மெர்சல்” திரைப்படத்தில் வில்லனாக நடித்திருந்தார்.

சமீபமாக பல திரைப்படங்களில் எஸ் ஜே சூர்யா நெகட்டிவ் ரோல்களில் நடித்து வருகிறார். இந்நிலையில் “வாரிசு” திரைப்படத்திலும் வில்லனாக நடிப்பாரோ என எதிர்பார்க்கப்படுகிறது.

இன்று காலை விஜய் “வாரிசு” திரைப்படத்தில் ஒரு Application Designer ஆக வருகிறார் எனவும் விஜய்யின் கதாப்பாத்திரத்தின் பெயர் விஜய் ராஜேந்திரன் எனவும் ஒரு தகவல் வந்தது. இத்தகவலால் ரசிகர்கள் குஷியாகினர்.

இந்நிலையில் தற்போது எஸ் ஜே சூர்யா “வாரிசு” திரைப்படத்தில் இணைய உள்ளதாக கூறப்படுகிறது.

“வாரிசு” திரைப்படம் முழுக்க முழுக்க ஒரு Family Entertainer ஆக உருவாகி வருவதாக கூறப்படுகிறது. இத்திரைப்படம் வருகிற 2023 ஆம் ஆண்டு பொங்கலுக்கு வெளியாக உள்ளது.

“வாரிசு” திரைப்படம் தமிழ், தெலுங்கு என இரு மொழிகளில் வெளியாகிறது. தெலுங்கில் “வாரசுடு” என்ற பெயரில் வெளிவருகிறது.