CINEMA
சந்திரமுகி ஆக மாறும் லட்சுமி மேனன்… பயங்கரமா இருக்குமோ!!
லட்சுமி மேனன் சந்திரமுகியாக மாறப்போவதாக ஒரு தகவல் இணையத்தில் பரவி வருகிறது.
கடந்த 2005 ஆம் ஆண்டு ரஜினிகாந்த், பிரபு, ஜோதிகா, நயன்தாரா, வடிவேலு ஆகியோரின் நடிப்பில் வெளிவந்து பட்டையை கிளப்பிய திரைப்படம் “சந்திரமுகி”. இத்திரைப்படம் 1000 நாட்கள் திரையரங்கில் வெற்றிகரமாக ஓடி சாதனை படைத்தது.
“சந்திரமுகி” திரைப்படம் ரஜினிகாந்தின் மாஸ் கலந்த ஒரு ஹாரர் திரைப்படமாக மக்களை வெகுவாக கவர்ந்தது. தெற்கே இருக்கும் அறையை காண்பிக்கும் போதெல்லாம் பார்வையாளர்களுக்கு வயிற்றை கலக்கியது.
அதிலும் ஜோதிகாவின் நடிப்பு வேற லெவலில் இருக்கும். சந்திரமுகியாக அவ்வப்போது மாறும்போது பார்வையாளர்களை அவரது கண்களாலேயே பயமுறுத்திவிடுவார். அதுவும் குறிப்பாக “காசு மாலை, நெட்டிசுட்டி” என சந்திரமுகியின் நகைகளை அணிந்து பார்க்கும்போது அவர் கொடுக்கும் ரியாக்சன் நம்மை நடுங்க வைத்துவிடும்.
“சந்திரமுகி” திரைப்படம் என்றாலே நமக்கு முதலில் நினைவில் வருவது “ரா ரா” பாடல் தான். அப்பாடல் அத்திரைப்படம் வந்த போது வேற லெவல் ரீச் ஆனது.
மேலும் “சந்திரமுகி” திரைப்படம் என்றால் அடுத்தாக நம் நினைவில் வருவது “லகலகலக” என்ற வார்த்தை தான். அதனை “ரா ரா” பாடலில் ரஜினி கூறும் போதும் கிளைமேக்ஸில் ஜோதிகா கூறும் போதும் மாஸாக இருக்கும். இதனிடயே “சந்திரமுகி 2” திரைப்படம் குறித்த அறிவிப்பு சமீபத்தில் வெளியானது. இதில் ராகவா லாரண்ஸ் நடிக்க உள்ளார். நகைச்சுவை நடிகர் வடிவேலு இணைய உள்ளார்.
இந்நிலையில் இத்திரைப்படத்தின் கதாநாயகி குறித்தான ஒரு தகவல் பரவி வருகிறது. இத்திரைப்படத்தில் சந்திரமுகியாக ஆண்டிரிடா நடிக்க உள்ளதாக சில நாட்களுக்கு முன் ஒரு தகவல் வந்தது. ஆனால் தற்போது இத்திரைப்படத்தில் சந்திரமுகியாக லட்சுமி மேனன் நடிக்க உள்ளதாக கூறப்படுகிறது.
![](https://kollywoodgalatta.com/wp-content/uploads/2022/05/wewewew.jpg)