‘விஜய் படம் எப்படி இருக்குப்போகுது..?” லோகேஷ் உடைத்த சர்ப்ரைஸ்

இயக்குனர் லோகேஷ் கனகராஜ் “தளபதி 67” திரைப்படம் குறித்த சில சுவாரசியமான தகவல்களை பகிர்ந்துள்ளார்.

நடிகர் விஜய் தற்போது “தளபதி 66” திரைப்படத்தில் நடித்து வருகிறார். இதில் ராஷ்மிகா மந்தனா கதாநாயகியாக நடிக்கிறார். மேலும் பிரபு, சரத்குமார், யோகி பாபு, சங்கீதா, ஷாம், பிரகாஷ் ராஜ் என பலரும் நடிக்கின்றனர்.

இத்திரைப்படத்தை வம்சி பைடப்பள்ளி இயக்கி வருகிறார். தமன் இசையமைக்கிறார். “தளபதி 66” திரைப்படத்திற்கு “வாரிசு” என பெயர் வைத்திருப்பதாக வதந்தி பரவி வருகிறது.

மேலும் வருகிற 22 ஆம் தேதி விஜய் தனது 48 ஆவது பிறந்த நாளை கொண்டாடப் போகும் நிலையில் நாளை “தளபதி 66” திரைப்படத்தின் டைட்டில் மற்றும் ஃபர்ஸ்ட் லுக் வெளியாக உள்ளது.

“தளபதி 66” திரைப்படம் அடுத்த ஆண்டு பொங்கலுக்கு வெளிவரும் என அறிவிக்கப்பட்டுள்ளது. இத்திரைப்படம் முழுக்க முழுக்க Family entertainer ஆக உருவாகி வருவதாக தகவல்கள் தெரிவிக்கின்றன.

“தளபதி 66” திரைப்படத்தை தொடர்ந்து விஜய், லோகேஷ் கனகராஜ்ஜுடன் இணைய உள்ளார். “மாஸ்டர்” திரைப்படத்தை தொடர்ந்து விஜய்யுடன் லோகேஷ் கனகராஜ் இணையும் இரண்டாவது திரைப்படம் இது.

இந்நிலையில் சமீபத்தில் ஒரு பேட்டியில் “தளபதி 67” திரைப்படம் குறித்து பேசிய இயக்குனர் லோகேஷ் கனகராஜ் “தளபதி 67 திரைப்படம் வெறித்தனமான Intense Action திரைப்படமாக இருக்கும்”என கூறியுள்ளார்.

மேலும் பேசிய அவர் “தளபதி 67 திரைப்படத்தின் கதை நான் ஏற்கனவே எழுதி வைத்துவிட்டேன். மீதி வேலைகளுக்காக நிறைய நேரம் இருக்கிறது” எனவும் கூறியுள்ளார்.

சமீபத்தில் லோகேஷ் கனகராஜ் இயக்கத்தில் வெளியான “விக்ரம்” திரைப்படம் வேற லெவல் ஹிட் ஆகி உள்ளது. இதனால் விஜய்-லோகேஷ் கனகராஜ் இணையும் திரைப்படமும் மாஸ் ஹிட் ஆகும் என எதிர்பார்க்கப்படுகிறது.