ஜிகர்தண்டா திரைப்படத்தின் இரண்டாம் பாகம் ரெடி.. கார்த்திக் சுப்புராஜ்ஜின் அல்டிமேட் அப்டேட்

“ஜிகர்தண்டா” திரைப்படத்தின் இரண்டாம் பாகம் குறித்தான முக்கிய அப்டேட்டை வெளியிட்டுள்ளார் இயக்குனர் கார்த்திக் சுப்புராஜ்.

கடந்த 2014 ஆம் ஆண்டு ஆகஸ்து மாதம் 1 ஆம் தேதி வெளியான திரைப்படம் “ஜிகர்தண்டா”. இத்திரைப்படம் வெளியாகி இன்றோடு 8 ஆண்டுகள் நிறைவடைகிறது.

“ஜிகர்தண்டா” திரைப்படம் தமிழின் மிக முக்கியமான கேங்கஸ்டர் திரைப்படங்களில் ஒன்று. இதில் கேங்கஸ்டராக நடித்திருந்த பாபி சிம்ஹா தனது அபார நடிப்பால் நம்மை அசர வைத்திருப்பார். இதில் சித்தார்த், லட்சுமி மேனன், குரு சோமசுந்தரம், கருணாகரன் ஆகிய பலரும் நடித்திருந்தனர்.

வித்தியாசமான திரைக்கதை அம்சத்தோடு வெளிவந்த இத்திரைப்படம் இயக்குனர் கார்த்திக் சுப்புராஜ்ஜின் திரைப்பயணத்தில் முக்கிய மைல் கல்லாக அமைந்தது. இப்போதும் இத்திரைப்படம் பல உதவி இயக்குனர்களுக்கு உத்வேகத்தை அளிக்கக்கூடிய திரைப்படமாக இருக்கிறது. குறிப்பாக சந்தோஷ் நாராயணனின் பின்னணி இசை இத்திரைப்படத்தை வேறு ஒரு கட்டத்திற்கு கொண்டு சென்றது.

இத்திரைப்படம் வெளியாகி இன்றோடு எட்டு ஆண்டுகள் நிறைவு பெறும் நிலையில் தற்போது கார்த்திக் சுப்புராஜ் ஒரு அட்டகாசமான அப்டேட் வீடியோவை வெளியிட்டுள்ளார். அதில் “ஜிகர்தண்டா” திரைப்படத்தின் மேக்கிங் காட்டப்படுகிறது. அதன் பின் ஒரு கிளாஸில் ஜிகர்தண்டா ஊற்றப்படுகிறது. ஊற்றப்பட்ட ஜிகர்தண்டா ஒரு டேபிளில் வைக்கப்படுகிறது. அதன் பின் இன்னொரு ஜிகர்தண்டாவை அதன் அருகினில் வைக்கின்றனர். இதன் மூலம் “ஜிகர்தண்டா” திரைப்படத்தின் இரண்டாம் பாகம் வெளிவரும் என அறிவித்துள்ளார். இதற்கான பணிகள் தொடங்கி உள்ளதாகவும் கூறியுள்ளார். விரைவில் “ஜிகர்தண்டா” 2 திரைப்படத்தில் நடிக்க இருக்கும் நடிகர்கள் குறித்தான அப்டேட் வெளிவரும் என எதிர்பார்க்கப்படுகிறது.

#8yearsofJigarthanda

And….. pic.twitter.com/pKL2Qi4oks

— karthik subbaraj (@karthiksubbaraj) August 1, 2022